Səudiyyə Ərəbistanının Ciddə şəhərində qatar stansiyasında baş verən yanğında ən az 5 nəfər yaralanıb.
“RİA Novosti” xəbər verir ki, bu barədə yerli rəsmi dairələr məlumat yayıb.
“Ciddə şəhərindəki dəmir yolu vağzalında baş vermiş yanğın zamanı xəsarət alan 5 nəfər xəstəxanaya çatdırılıb. Hadisə yerinin müxtəlif tərəflərində 16 tibbi yardım briqadası çalışır”, – deyə Məkkə dairəsi administrasiyasının “Twitter” hesabında bildirilib.
Qeyd olunur ki, yanğın vağzalın damında baş verib, hadisə yerinə yanğınsöndürənlər cəlb olunb.
