Məşhur uşaq qidasının siması olmuş qadın 95 yaşında vəfat edib –FOTO

“Gerber” uşaq qidasının siması olan Enn Terner Kuk 95 yaşında vəfat edib.

Bu barədə “Gerber Products Company”dən məlumat verilib. Şirkətdən Kukun müəllim və yazıçı olduğu qeyd edilib.

Məlumata görə, “Gerber” 1928-ci ildə uşaq qidasının reklam kampaniyası üçün müsabiqə keçirib. Rəssam Doroti Houp Smit sadə kömürlə çəkdiyi eskizini təqdim edib və qalib gələrsə, onu tamamlayacağını bildirib. Nəticədə, müsabiqədə eskiz (üzərində Kukun təsviri var idi) qalib gəlir. Şirkət illüstrasiyanın eskiz olaraq qalmasında israr edir.

İllüstrasiya o qədər populyarlaşır ki, 1931-ci ildə “Gerber” onu rəsmi ticarət nişanı kimi qəbul edir. Qeyd olunur ki, şəkildə təsvir olunan uşağın kimliyi 50 il – 1978-ci ilə qədər gizli saxlanılıb. Kimliyi açıqlanana qədər eskizdə ABŞ kino ulduzları Hamfri Boqart və Elizabet Teylor, daha sonra senator Bob Doul və başqalarının təsviri olduğu düşünülüb. (NBC News)

Əvvəlki məqalə

Toy zalına sel gəldi, qonaqlar masaların üstünə çıxdılar –

Sonrakı məqalə

Güclü qasırğa Ordubada ciddi ziyan vurub –