“Ankara Egey dənizində Yunanıstanın ərazi sularının genişləndirilməsinə icazə verməyəcək”.
Azpost.info xəbər verir ki, bunu Türkiyənin xarici işlər naziri Mövlud Çavuşoğlu ilin yekunlarına dair mətbuat konfransında deyib.
“Yunanıstana xəbərdarlıq edirik – macəra axtarmayın! Nəticələri Yunanıstan tərəfi üçün çox ağır ola bilər”, – nazir bildirib.
Çavuşoğlu qeyd edib ki, Türkiyə həm Egey, həm də Aralıq dənizlərində öz maraqlarını müdafiə etməyə davam edəcək. Yunanıstanın ərazi sularının Afinada elan edilən 12 mil deyil, 1 mil belə, genişlənməsinə icazə verməyəcək.
XİN rəhbəri xatırladıb ki, Türkiyə parlamenti hələ 1995-ci ildə açıq qərar verib və buna uyğun olaraq Ankara Yunanıstanın Egey dənizi hövzəsində sərhədləri genişləndirməsini qəbul etməyəcək.
Azpost.info
