“Mayın 15-dən “Avro-2020″yə bilet satışı bərpa olunacaq” –"Azarkeşlərin stadionda 50 faiz iştirakı təmin ediləcək" (AFFA)

“”Avro-2020″nin Bakı Olimpiya Stadionunda keçiriləcək oyunlarında azarkeşlərin iştirakı ilə bağlı bütün müvafiq sənədlər, Nazirlər Kabineti yanında Operativ Qərargahın qərarı UEFA-ya göndərilib. Turnirə ev sahibliyi edəcək digər şəhərlər haqqında da ümumi məlumat artıq paylaşılıb. Sevindirici haldır ki, Bakıda keçiriləcək oyunlar zamanı stadionun tamaşaçı tutumunun 50 faizi qədər azarkeşin qarşılaşmaları tribunalardan izləməsi mümkün olacaq”.

Bunu AFFA-nın icraçı vitse-prezidenti Elxan Məmmədov deyib.

Bildirib ki, “Avro-2020″nin təşkil olunacağı digər şəhərlərdə rəqəmlər müxtəlifdir: “Ümid edirəm ki, çempionatın keçiriləcəyi bütün şəhərlərdə azarkeşlərin iştirakı minimum 50 faizə qədər təmin ediləcək. Mayın 15-də bilet satışı bərpa olunacaq. Stadionun ümumi tamaşaçı tutumunun cəmi 50 faizinə azarkeşlərin buraxılacağını nəzərə alaraq, futbolsevərlərə biletlər satışa çıxan kimi tələsməyi tövsiyə edərdim”.

“Bizi maraqlı oyunlar gözləyir. Xüsusilə, qardaş Türkiyə millisinin iki oyununun Bakıda keçiriləcəyini bir daha xatırlatmaq istərdim. Özünəməxsus futbol ənənələrinə malik Uels və İsveçrə millilərinin qarşılaşmasının da maraqlı olacağına şübhə etmirəm. Bakı Olimpiya Stadionunda izləyəcəyimiz 1/4 final oyununda isə Avropa çempionu adına iddialı iki komandanın qarşılaşa biləcəyi istisna olunmur. Stadiona girişlə bağlı qaydaları bilet satışı başlamazdan öncə detallı şəkildə təqdim edəcəyik. Sağlam olaq və böyük futbol həyəcanına birgə şahidlik edək”, – deyə E.Məmmədov əlavə edib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Ter-Petrosyanın partiyası parlament seçkilərinə qatılacaq

Sonrakı məqalə

“ABŞ sanksiyaları ləğv etmək istəyini faktlarla təsdiq etsin!” –