“Ukrayna prezidenti Vladimir Zelenskinin mövqeyinə görə Moskva ilə Kiyev arasında barışıq şansı yoxdur”.
Azpost.info xəbər verir ki, bunu Çeçenistan rəhbəri Ramzan Kadırov deyib.
Rusiyanın Ukrayna ərazisinə endirdiyi zərbəni şərh edərkən Kadırov bu dünyada heç bir hərəkətin cavabsız qalmadığını bildirib.
O, Ukraynanın atəşə tutulmasına dünya ictimaiyyətinin reaksiyasını “isteriya” adlandırıb:
“Bu gün baş verənlər soyuqqanlılıqla qətlə yetirilən və şikəst olan uşaqların, qadınların, qocaların intiqamıdır. İstənilən növ barışıq şansı iradəsiz Zelenskinin və onun dəstəsinin səyləri ilə geridönməz şəkildə əldən verildi”, – Çeçenistan lideri qeyd edib.
Azpost.info
