“Rusiya Dağlıq Qarabağın subyekt olaraq yüksəltmək imkanlarına çox ciddi yanaşır. Moskva bu təklifə problemin həlli formulu, o cümlədən Rusiya sülhməramlılarının Qarabağda olma müddətinin uzadılma forması olaraq baxır”.
Azpost.info bildirir ki, bu barədə NEWS.am- açıqlamasında Rusiyanın “Avrasiya İttifaqının inkişaf problemləri üzrə İnstitutu”nun ( EAES) direktoru, politoloq Vladimir Lepexin bildirib.
Ekspert bildirib ki, buna baxmayaraq Rusiyaya bu gün Qafqazda əlavə cəbhə, “qaynar nöqtə” lazım deyil. Burada hazırda Türkiyə Moskva üçün vacib kanal sayılır: “Rusiya və Türkiyə müttəfiq deyil.Onların münasibəti hər an pozula bilər. Bu isə Rusiya üçün ciddi zərbə olacaq. Ona görə də Ukraynada xüsusi əməliyyat qurtarana qədər Rusiya Cənubi Qafqazda Azərbaycanın və Türkiyənin maraqlarına toxunan heç bir addım atmayacaq. Ukraynada “xüsusi əməliyyat” bitdikdən sonra Rusiya öz fəaliyyətini Cənubi Qafqazda fəallaşdıracaq. İlk növbədə erməni əhalisinə dəstək verməklə Qarabağ məsələsini həlli üçün təkliflərini açıqlayacaq”-deyə Lepexin bildirib.
Politoloq deyib ki, Rusiya Xankəndində olan milyarder Ruben Vardanyanın “oyundan çıxarılmasını” heç istəmir: “Ona görə də Moskva ona hansısa şəxsi dəstək verəcək. Ən son halda ona qarşı olan xarici təsirlərə qarşı çıxış edəcək”-deyə ekspert vurğulayıb.