“Moskva vilayətində Crocus City Hall konsert zalında törədilən terror aktı təkcə Rusiyaya qarşı deyil, həm də Türkiyəyə qarşı yönəlib, çünki Ankara və Moskva Atlantik imperializmə qarşı mübarizənin ön cərgəsindədir”.
Azpost.info-nun məlumatına görə, bu sözləri Türkiyənin Ana Vətən Partiyasının lideri Doğu Perinçək RİA-Novosti-yə bildirib.
“Qardaş Rus xalqına başsağlığı veririk. Moskvada Rusiya dövlətinə və xalqına qarşı yönəlmiş terror aktı həm də Türkiyəyə qarşı hücumdur. Bu gün Türkiyə və Rusiya Atlantik imperializmlə mübarizədə bəşəriyyətin aparıcı dövlətləridir”, – Perinçək bildirib.
Onun sözlərinə görə, bu terror aktı digərlərindən çox fərqlidir: “Bu, dünyada yeni bir prosesin üzərindən pərdəni qaldırır. Qarşıdakı günlərdən xəbər verən çox ciddi cəhdlə qarşı-qarşıyayıq. Moskvada terror aktını təşkil edən qüvvə bununla hansı prosesləri təhrik etdiyini bilir. Bu proseslər terror təşkilatı çərçivəsindən çox kənara çıxır”, – türkiyəli siyasətçi bildirib.
Azpost.info
