Mücahit Küçükyılmazdan QMİ sədri ilə bağlı AÇIQLAMA:

“Şeyxülislam Qarabağa görə Ərdoğana təşəkkür edib”
26 İyul 2021 - 11:45

Türkiyə prezidenti Ərdoğanın müşaviri Mücahit Küçükyılmaz QMİ sədri, Şeyxülislam Allahşükür Paşazadə ilə bağlı yazdığı qalmaqallı tvitterinə aydınlıq gətirib.

Azpost.info bildirir ki, Küçükyılmaz qeyd edib ki, Şeyxülislam Qarabağda qələbəyə görə, Türkiyə prezidentinə təşəkkür edib: “İcazə verin, ədalət naminə vurğulayım ki, Şeyxülislam Allahşükür Paşazadə bizim prezidentə Qarabağda qələbəyə görə təşəkkür edib”.

Daha sonra statusunun doğurduğu rezonansla bağlı bildirib: “Bizlər, fərdlər gəldi-gedərik. Əbədi olan Türkiyə-Azərbaycan dostluğudur”.

Xatırladaq ki, Küçükyılmazın Qurban bayramı ilə bağlı namazda çıxış edən QMİ sədrinin Türkiyəyə və İran rəhbərlərinə təşəkkürünə dair istehzalı tviti ölkədə ciddi rezonans doğurmuşdu.