Ukraynadakı müharibəyə baxmayaraq, Avropa şirkətləri Rusiyanın Kremlə yaxın mədən şirkətləri ilə əməkdaşlığı davam etdirir.
Azpost.info xəbər verir ki, bu barədə “Investigate Europe” yazır.
2022-ci ilin mart ayından etibarən Rusiya metallarının Avropa İttifaqına (Aİ) idxalı 13,7 milyard avro təşkil edib.
Jurnalistlər “Eurostat” və Avropa Birgə Araşdırmalar Mərkəzinin sanksiyalara məruz qalmayan 34 kritik növ xammalın idxalı ilə bağlı məlumatlarını araşdırıblar. Rusiyadan Avropaya hələ də sərbəst şəkildə gətirilən mineralların siyahısına nikel, titan, mis, alüminium, platin, palladium, rodium və kobalt daxildir.
Bu metallar Aİ-yə 2050-ci ilə qədər iqlim neytrallığına nail olmaq üçün lazımdır. Onlar elektronika, günəş panelləri və elektrik nəqliyyat vasitələrinin istehsalında, həmçinin aerokosmik və müdafiə sənayesində istifadə olunur.
İlk üçlükdə Rusiya nikeli (3,77 milyard avro), alüminium (3,42 milyard avro) və mis (2,61 milyard avro) gəlir.
Beləliklə, 2022-ci ildə Vladimir Potaninə məxsus “Nornikel”in satışlarının demək olar ki, yarısı Avropanın payına düşür. Ümumilikdə, ötən ilin mart ayından etibarən şirkət Finlandiya və İsveçrədəki vasitəçilər vasitəsilə Aİ-yə ümumilikdə 7,6 milyard dollarlıq nikel və mis, həmçinin 3 milyard dollardan çox dəyərində palladium, platin və rodium ixrac edib.
Azpost.info
