“Ramştayn görüşünün əsas yekunu odur ki, NATO bütün gücünü Ukryana ordusunun əli ilə Rusiya üzərində hərbi qələbəyə sərf etməyi qət edib”.
Azpost.info bildirir ki, bunu rusiyalı politoloq Sergey Markov NATO və müttəfiqlərinin yanvarın 20-də keçirilmiş Ukrayna ilə bağlı Ramştayn görüşünün nəticələrini şərh edərkən deyib.
Onun sözlərinə görə, Rusiyada çoxları tərəfindən bu görüşün yekunları doğru anlaşılmayıb. Amma Rusiya rəhbərliyi tam olaraq doğru anlayıb: “Ukrayna Silahlı Qüvvələrinə çox nəhəng sayda silahlar veriləcək. Əsas üstünlük hucum silahları olacaq. Əsas güc Ukrayna ordusunun yazın sonu yayın əvvələrində olacaq hucumuna verilib”.
Markov bildirib ki, son günlər müzakirə olunan “Leopard” tankları indi yox, bir müddət sonra Kiyevə veriləcək. “Hazırda Polşada bu tankları idarə etmək üçün ekipaja təlim keçirilir. Bu təlimlər bitən kimi tanklar göndəriləcək”.
Markov deyib ki, NATO ölkələrinin mülki sənaye sahələrinin bir hissəsi silah istehsalına keçirilir: “Rusiyanın bir yolu qalır: Daha güclü, daha çox və sərt şəkildə zərbələr vurmaq!”.
