İsrailin Baş naziri Benyamin Netanyahu təhlükəsizlik qüvvələrinin rəhbərləri ilə keçirdiyi məxfi görüşdə İranın nüvə obyektlərinə zərbə endirməyə hazır olmaq barədə göstəriş verib.
Azpost.info bildirir ki, məxfi görüşdə müdafiə naziri Yoav Qalant, SAXAL-ın baş qərargah rəisi Qersi Halevi, MOSSAD-ın başçısı Devid Barnea və digər yüksək vəzifəli şəxslər iştirak edib.
Netanyahu ABŞ dövlət katibi, ABŞ prezidentinin müşaviri və Fransa prezidenti ilə keçirdiyi görüşlərin nəticələri barədə məlumat verib.
MAQATE bazar ertəsi bildirib ki, müfəttişlər İranın uranı 84 faizə qədər zəngişlədirdiyini müəyyən ediblər. Bu, nüvə silahını əldə etmək üçün lazım olan 90 faizdən azca aşağıdır.
