Niderland parlamentinin Nümayəndələr Palatası Ukraynaya qarşı apardığı müharibəyə görə Rusiyanı terrorizmin sponsoru kimi tanıyıb.
Azpost.info xəbər verir ki, bu barədə Niderlandın ANO xəbər agentliyi məlumat yayıb.
Bu qərarı partiyaların böyük əksəriyyəti, o cümlədən Azadlıq və Demokratiya Uğrunda Xalq Partiyası, Leyboristlər Partiyası, Xristian Demokrat Partiyası və digərləri dəstəkləyib.
Sənəddə deyilir ki, Rusiya ordusu Ukraynadakı mülki hədəflərə qəsdən zərbələr endirir.
Parlamentarilərin əksəriyyəti humanitar, diplomatik və hərbi sahələrdə Ukraynaya maksimum dəstək göstərilməsinə çağırıb.
Qeyd edək ki, noyabrın 23-də Avropa Parlamenti Rusiyanı terrorizmin sponsoru kimi tanıyan qətnamə qəbul edib. Səsvermədə iştirak edən 596 deputatdan 494-ü sənədin lehinə, 58-i əleyhinə səs verib, 44 deputat bitərəf qalıb.
Azpost.info
