Oğul evi yandırdı, atası onu öldürdü –

Göygöldə qanlı mülk davası (FOTO)
01 Yanvar 2020 - 18:22

Göygöl rayonunda qətl törədilib.

“Report”un Qərb Mərkəzinin məlumatına görə, rayonun Nadel kəndində baş verib.

Kənd sakini, 1950-ci il təvəllüdlü Yaşar Qəmbər oğlu Bayramov taxıl sahəsində oğlu – 1978-ci il təvəllüdlü Mahir Bayramova ov tüdəngindən 2 dəfə atəş açaraq onu qətlə yetirib.

Hadisəni törədən şəxs polis əməkdaşları tərəfindən saxlanılıb.

İlkin məlumatlara görə, hadisəyə mülk (ev) üstə düşən mübahisə səbəb olub. Belə ki, uzun müddət ata ilə oğul arasında mübahisəyə səbəb olan evi M.Bayramov yandırıb. Bundan qəzəblənən ata isə ov tüfəngi ilə oğlunu güllələyib.

Faktla bağlı Göygöl rayon Prokurorluğunda araşdırma aparılır.