“İsrail BMT Baş katibi Antonio Quttereşin mövqeyi ilə əlaqədar təşkilatın rəsmilərinə viza verilməsini dayandıracaq”.
Azpost.info xəbər verir ki, bunu İsrailin BMT-dəki daimi nümayəndəsi Gilad Erdan deyib.
“Biz artıq baş katibin humanitar məsələlər üzrə müavini Martin Qriffitsə viza verməkdən imtina etmişik. Onlara dərs verməyin vaxtıdır”, – Erdan bildirib.
Qeyd edək ki, qalmaqala Quterreşin BMT Təhlükəsizlik Şurasının iclasında dediyi sözlər səbəb olub. Quterreş deyib ki, HƏMAS-ın oktyabrın 7-də İsrailə hücumu dəhşətlidir, lakin boş səbəbdən olmayıb. Quterreş Qəzzadakı əzablara son qoymaq üçün İsraili atəşi dayandırmağa çağırıb.
Bunun adrınca Gilad Erdan BMT Baş katibini istefaya çağırıb. İsrail Xarici İşlər Nazirliyi Quterreşin istefası çağırışını dəstəkləyib və nazir Eli Koen BMT Baş katibi ilə planlaşdırılan görüşü ləğv edib.
Azpost.info
