Ötən il xarici ölkələrə gedən Azərbaycan vətəndaşlarının səfər məqsədlərinin bölgüsü açıqlanıb.
Bu barədə APA-ya Dövlət Statistika Komitəsindən məlumat verilib.
Qeyd olunub ki, 2022-ci ildə xarici ölkələrə səfər edən Azərbaycan vətəndaşlarının sayı isə 1489,5 min nəfər olub.
Onların 918,1 mini turizm məqsədilə xaricə gedib. Həmçinin 376,6 min nəfər istirahət, əyləncə turizmi, 195,2 min nəfər işgüzar turizm, 44,5 min nəfər müalicə turizmi, 38,1 min nəfər dini turizm, 149,7 min nəfər qohumlara, dostlara baş çəkmək, 114 min nəfər digər turizm məqsədilə, 571,4 min nəfər digər məqsədlə səfər edib.
