2022-ci ildə Rusiyadan qonşu ölkələrə pul köçürmələrinin həcmində rekord artım olub.
Azpost.info xəbər verir ki, bu, postsovet ölkələrinin mərkəzi banklarının təqdim etdiyi məlumatlardan bəlli olur.
Beləliklə, Rusiyadan Qazaxıstana vəsait göndərilməsi rekord həddə – 775,4 milyon dollara çatıb. 2021-ci ildə bu ölkəyə pel köçürmələrin həcmi təxminən 114 milyon dollar olub.
Rusiyadan Gürcüstan, Özbəkistan, Ermənistan və Qırğızıstana da pul göndərilməsi artıb. Məsələn, Rusiyadan Özbəkistana köçürmələrin həcmi 14,5 milyard dollara çatıb ki, bu da 2021-ci illə (5,6 milyard dollar) müqayisədə 160 faiz çoxdur.
Gürcüstana köçürmələrin həcmi 411,3 milyon dollardan 2 milyard dollara, Ermənistana 800 milyon dollardan 2,1 milyard dollara, Qırğızıstana isə 2,5 milyard dollardan 2,6 milyard dollara qədər yüksəlib.
Köçürmə statistikası “Zolotaya Korona”, “Unistream” və “Contact” sistemlərindən istifadə nəzərə alınmaqla tərtib edilib. Eyni zamanda, bank daşımaları da öyrənilib.
Azpost.info
