ABŞ hakimiyyəti prezident Donald Trampın göstərişi ilə naməlum anomal hadisələrin arxivlərini yayımlamağa başlayıb.
Azpost.info bildirir ki, Pentaqon bu barədə öz saytında rəsmi açıqlama yayıb.
8 may cümə günü Pentaqonun veb saytında mətn sənədləri, fotoşəkillər və şahid ifadələri daxil olmaqla arxiv məlumatları dərc edilib.
“Burada arxivləşdirilmiş materiallar həll olunmamış halları təmsil edir, yəni hökumət müşahidə olunan hadisələrin mahiyyəti barədə qəti qərar verə bilmir”- deyə bəyanatda deyilir:
“The New York Post” qəzetinin məlumatına görə, Pentaqon təxminən 80 il davam edən hadisələri təsvir edən 160-dan çox faylı məxfilikdən çıxarıb.
Əvvəllər görünməmiş şəkillər və videolar, eləcə də anomal hadisələri müşahidə edən hərbi və mülki pilotlarla müsahibələrin transkriptləri yayımlanıb.
