Polşa və İsrail diplomatik münasibətlərin normallaşdırılması prosesini bərpa etmək qərarına gəliblər. İlk addım səfirlərin qarşılıqlı olaraq qayıtmasıdır.
Azpost.info xəbər verir ki, bu barədə Polşa prezidenti Anjey Duda bildirib.
Polşa prezidenti qeyd edib ki, hər iki ölkənin diplomatik münasibətlərində yeni mərhələnin başlanması ilə bağlı İsrail lideri ilə razılığa gəlib: “İlk addım atıldı. Səfir Yakov Livne bu gün etimadnaməsini təqdim edib”.
İsrail lideri həmçinin Dudadan Polşanın İsraildəki səfirini geri qaytarmağı xahiş edib: “Ümid edirəm ki, bu, tezliklə baş verəcək”.
Azpost.info
