Polşada bir qrup rus casusu saxlanıldı

Polşada Daxili Təhlükəsizlik Agentliyinin əməkdaşları altı nəfəri Rusiyanın xeyrinə casusluqda şübhəli bilərək saxlayıblar.

Azpost.info xəbər verir ki, məlumatı Polşa hökuməti də təsdiqləyib.

Saxlanılanların hamısı Rusiya xüsusi xidmət orqanlarında çalışıblar. Onların saxlanılması ilə bağlı əməliyyat mühüm dəmir yolu qovşaqlarında qatarların hərəkətini qeydə alan və məlumatları internetə ötürən gizli kameralar aşkar edildikdən sonra keçirilib.

Məlumata görə, söhbət onlarla belə kameralardan gedir. Kameralar əsasən Ukraynaya Qərb silahlarının tədarükü üçün fəal şəkildə istifadə olunan Jeşuv-Yasenka hava limanının ərazisindəki dəmir yolu relslərində quraşdırılıb.

Britaniyanın “Air Force” media şirkətinin məlumatına görə, bu hava limanı o qədər mühüm hesab olunur ki, ABŞ ordusu onu qorumaq üçün “Patriot” hava hücumundan müdafiə qurğularını yerləşdirib. Məhz bu hava limanından ABŞ prezidenti Co Bayden uçub, sonra o, Kiyevə səfərə yollanıb.

Polşa Hərbi Əks-Kəşfiyyat Xidmətinin keçmiş rəis müavini Maçey Matısyakın sözlərinə görə, Rusiya kəşfiyyatı kameralardan əsasən Ukraynaya silah tədarükü barədə məlumat toplamaq üçün istifadə edib. Eyni zamanda o, rusların əldə etdiyi məlumatlardan təxribatlar üçün istifadə edə biləcəyini də istisna etməyib.

Azpost.info

Əvvəlki məqalə

Latviya Baş naziri Kiyevə rəsmi səfərə gəlib

Sonrakı məqalə

Kür çayı quruyub, şirin su qıtlığı kəskinləşib –