Çeçenistan rəhbəri Ramzan Kadırov bildirib ki, o, “Vagner”in rəhbəri Yevgeni Priqojinlə danışıb və onu biznes ambisiyalarından əl çəkməyə və onları dövlət əhəmiyyətli məsələlərlə qarışdırmamağa inandırıb.
Azpost.info bildirib ki, Kadırov bu barədə telegram-kanalında yazıb.
“Fikirləşdim ki, yəqin məni eşitdi. Amma məlum oldu ki, bu qəzəb onda bütün bu müddət ərzində daha da artıb. Uğursuz biznes sövdələşmələri iş adamında dərin narazılığa səbəb olub, Peterburq hakimiyyətinin qızına istədiyi torpaq sahəsini verməməsi ilə pik həddə çatıb. Bir nəfərin təkəbbürü belə təhlükəli nəticələrə gətirib çıxara və çoxlu sayda insanı münaqişəyə cəlb edə bilər”, – Kadırov Telegram kanalında yazıb.
O, həmçinin “Vaqner”in döyüşçülərini qərarlarında ayıq olmağa çağırıb.
“Ölkənin gələcəyini, ailələrinizi, uşaqlarınızı düşünün. Bu cür hərəkətlər fəlakətli nəticələrə səbəb ola bilər. İndi hər şey sülh yolu ilə, qan tökülmədən başa çatdı. Amma qan tökülə bilərdi. İfrat tədbir Rusiyanın bütövlüyünə qəsd edən hər kəsin sərt şəkildə məhv edilməsi olardı”, – deyə Çeçenistan rəhbəri qeyd edib.
