“Putin rejimi süqut edən kimi Gürcüstanda hakimiyyət dərhal dəyişəcək. Cənubi Qafqazda Azərbaycanla Ermənistan arasında barışıq perspektivləri yaranacaq”.
Azpost.info bildirir ki, bu sözləri Gürcüstanın sabiq prezidenti Mixeil Saakaşvili həbsxanadan yazdığı müraciətində bildirib.
“Biz çox tezliklə tam fərqli, vahid Cənubi Qafqaz əldə edəcəyik. Biz Ukraynaya və Avropaya çıxışı olacaq bütün Qafqazı birləşdirməyin yollarını axtarmalıyıq. Soyğunçuluq, zorakılıq, ədalətsizlik dövrü başa çatır və hamımız özümüz və uşaqlarımız üçün azadlıq, sülh, ədalət, imkanlar dövrünə qədəm qoymalıyıq”.
Saakaşvili Şimali Qafqaz xalqlarına müraciət edib.
“Son hadisələr Moskvadakı rejimin ifrat dərəcədə zəif olduğunu göstərdi. Hər kəsin ayağa qalxma vaxtıdır” yazan sabiq prezident onları yeni müqavimət mərkəzləri yaratmağa çağırıb.
Saakaşvili Kiyevdə Azad Qafqaz Təşkilatının daimi katibliyinin yaradılmasını təklif edib.
Azpost.info
