“Putin məni Gürcüstana qayıtmağa qoymur” –

Saakaşvili
06 Avqust 2021 - 19:06

Gürcüstanın sabiq prezidenti Mixeil Saakaşvili Rusiya prezidenti Putini vətənə qayıtmasına mane olmaqda ittiham edib.

Azpost.info bildirir ki, bu barədə eks-prezident sosial şəbəkədə yazıb. Saakaşvili əmindir ki, Kreml hesab edir ki, əgər o qayıtsa bu ölkənin sürətli inkişafına səbəb olacaq.

“Mənə qarşı olan bu təqiblər birbaşa Putinin sifarişi ilə təşkil olunur”-deyə Saakaşvili yazıb.

O, sona qədər mübarizə aparacağını vurğulayıb.

Xatırladaq ki, oktyabrın 2-də Gürcüstanda şəhər merləri vəzifəsinə və şəhər şuralarına deputat seçkiləri keçiriləcək.