Sentyabrın 3-də Rusiya Prezidenti Vladimir Putin Monqolustana rəsmi səfər edəcək.
Azpost.info bildirir ki, bu barədə Kremlin mətbuat xidməti məlumat yayıb.
Monqolustan Prezidenti Uxnaqiyn Xurelsuxanın dəvəti ilə ilə baş tutacaq bu səfər zamanı Putin SSRİ və Monqolustan silahlı qüvvələrinin Xalxin-Qol çayında Yaponiya üzərində birgə qələbəsinin 85-ci ildönümünə həsr olunmuş təntənəli tədbirlərdə iştirak edəcək.
Danışıqlar zamanı dövlət başçıları Rusiya-Monqolustan hərtərəfli strateji tərəfdaşlıq münasibətlərinin gələcək inkişaf perspektivlərini müzakirə edəcək, aktual beynəlxalq və regional problemlər ətrafında fikir mübadiləsi aparacaqlar. Bir sıra ikitərəfli sənədlərin imzalanması planlaşdırılır.
Vladimir Putinlə Monqolustanın Dövlət Böyük Xuralının (parlamentinin) sədri D.Amarbayasqalan və Monqolustanın Baş naziri L.Oyun-Erdene arasında da söhbətlər nəzərdə tutulub.
