Rusiya prezidenti Vladimir Putin Rusiyanın qalib gələcəyinə əmin olduğunu bildirib. O bəyan edib ki, Moskva bütün dünya dövlətləri üçün sülh və təhlükəsizliyin təminatçısı olacaq.
Azpost.info bildirir ki, Putin bu barədə “Valideyn Şöhrəti” ordeni ilə təltif edilmiş ailələrlə görüşündə deyib.
Tədbir iştirakçılarından biri prezidentə qələbəyə inamından danışıb. “İnanıram ki, qələbə həmişə bizim olacaq. Biz qalib gələcəyik, bu birmənalıdır, başqa yol yoxdur. Düşünürəm ki, ölkəmiz sonda bütün xalqlar, bütün dünya dövlətləri üçün sülhün və təhlükəsizliyin təminatçısı olacaq”, – deyə veteran Qriqori Kravtsov bildirib.
Vladimir Putin həmsöhbəti ilə razılaşıb: “Elədir. Dediyiniz kimi belə olacaq. Buna heç bir şübhə yoxdur”.
Prezident həmçinin əlavə edib ki, Ukraynadakı hərbi əməliyyatlar zamanı Rusiya “öz torpağını, xalqını və dəyərlərini müdafiə edir” və buna görə də qələbə, şübhəsiz ki, onun olacaq.
Azpost.info
