“Rusiya və Türkiyə prezidentləri Vladimir Putin və Rəcəb Tayyib Ərdoğan Soçidə keçiriləcək görüşdə çox güman ki, hərbi-texniki əməkdaşlığı da müzakirə edəcəklər”.
Azpost.info xəbər verir ki, bunu Kremlin sözçüsü Dmitri Peskov bugünkü brifinq zamanı bildirib.
“İki ölkə arasında hərbi-texniki əməkdaşlıq daim gündəmdədir. Qarşılıqlı fəaliyyətimizin belə həssas sahədə inkişaf etməsinin özü onu deməyə əsas verir ki, ümumilikdə əlaqələrimizin bütün spektri çox yüksək səviyyədədir”, – Peskov deyib.
Qeyd edək ki, görüş avqustun 5-də Soçidə keçiriləcək.
Azpost.info
