“Prezident Vladimir Putinin hazırda Rusiyada siyasi rəqibi yoxdur, ola da bilməz”.
Azpost.info xəbər verir ki, bunu Putinin mətbuat katibi Dmitri Peskov deyib.
“Biz dəfələrlə demişik ki, prezident Putin ölkəmizdə bir nömrəli siyasətçidir, dövlət xadimidir. Şəxsi fikrim odur ki, hazırda onun Rusiyada rəqibi yoxdur və ola bilməz”, – Peskov bildirib.
2000-ci ildən Rusiyaya rəhbərlik edən 71 yaşlı Putin hələ 2024-cü ildə keçiriləcək prezident seçkilərində iştirak edəcəyini açıqlamayıb. Mətbuatın yazdığına görə, Putin bunu noyabrın 4-də etməyi planlaşdırır.
Azpost.info
