“Ukrayna münaqişəsində Rusiya və onun prezidenti Vladimir Putinin ambisiyalarını qiymətləndirməmək təhlükəlidir”.
Azpost.info xəbər verir ki, “Reuters” bunu NATO Baş katibi Yens Stoltenberqə istinadən yazıb.
“Prezident Putinin Ukrayna ilə bağlı plan və hədəflərini dəyişdiyinə dair heç bir əlamət görmürük. Ona görə də Rusiyanı qiymətləndirməmək təhlükəlidir”, – Baş katib Norveçdə işgüzar konfransda bildirib.
Bundan əvvəl Stoltenberq Qərb dövlətlərini davam edən hərbi əməliyyatlara görə Ukraynaya uzunmüddətli dəstək verməyə çağırmışdı. Onun sözlərinə görə, ötən ilin sentyabrında Rusiyada başlanmış qismən səfərbərlik Rusiya rəhbərliyinin Ukraynadakı münaqişəni dayandırmaq niyyətində olmadığını nümayiş etdirir.
Azpost.info
