Qarabağda Rusiya sülhməramlılarına yeni komandan təyin olunub
Qarabağda yerləşdirilmiş Rusiya sülhməramlılarının yeni komandanı general Andey Volkov olacaq.
Azpost.info “Sputnik Armenia”ya istinadən bildirir ki, bu barədə Xankəndindəki mənbələr bildiriblər. General Volkov 2020-ci ilin noyabrından 2021-ci ilin may ayına qədər sabiq komandan Rüstəm Muradovun müavini olub.
Hazırda Volkov Cənub hərbi dairəsində ordu rəisi vəzifəsini tutur.
Xatırladaq ki, 2021-ci ilin sentyabrından sülhməramlılara Rusiya qəhrəmanı, general Gennadi Anaşkin rəhbərlik edir.