“Səfərbərlikdən yayınan ruslar beynəlxalq axtarışa veriləcəyi təqdirdə, Qazaxıstan onları Rusiyaya ekstradisiya edəcək”.
Azpost.info xəbər verir ki, bunu Qazaxıstan daxili İşlər naziri Marat Axmetjanov bildirib.
“Bizim Rusiya ilə hüquqi yardımın göstərilməsi, məhkumların mübadiləsi və cinayətkarların ekstradisiyası ilə bağlı müqavilələrimiz var. Burada ən mühüm prinsip ondan ibarətdir ki, bu, cinayət məsuliyyəti yaradan əməl olmalıdır”, – nazir deyib.
Nazir qeyd edib ki, Rusiya vətəndaşlarının hərbi komissarlıqlar tərəfindən axtarışı onların ekstradisiyası üçün hüquqi əsas deyil. Ekstradisiya üçün şəxsə qarşı cinayət işinin başlanması, onun beynəlxalq axtarışa verilməsi və ona qarşı ittihamın Qazaxıstanda cinayət hesab edilməsi vacibdir.
Azpost.info
