Rusiya prezidenti Vladimir Putinin siyasətini və Ukraynaya hərbi müdaxiləni dəstəklədiyini deyən Qazaxıstan parlamentinin deputatı Azamat Abildayev üzvü olduğu “Ak Yol” partiyasından xaric edilib.
Azpost.info xəbər verir ki, bu barədə partiyanın mətbuat xidməti məlumat yayıb.
Partiyadan bildiriblər ki, Abildayevin deputat mandatına xitam verilməsi ilə bağlı MSK-ya müraciət olunub.
““Ak Yol” partiyası həmişə respublikamızın və digər dost dövlətlərin müstəqilliyinə və ərazi bütövlüyünə hörmət edir və dəstəkləyir”, – partiyanın bəyanatında qeyd olunur.
Məsələyə münasibətində Abildaev partiya sıralarından xaric edilməsi qərarı ilə razılaşdığını deyib: “Onlarla razıyam. Mənim heç kimə qarşı incikliyim yoxdur. Biz bir şeyi başa düşməliyik – “milli vətənpərvərlər” demək, “milli” sözünü təkrarlamaq olar. Əsas odur ki, Ukrayna kimi olmayaq”.
Azpost.info
