Qırğızıstanda Daxili İşlər Nazirliyinin əməkdaşları ölkədə kütləvi iğtişaş törətməyi planlaşdıran bir qrup şəxsi zərərsizləşdirib.
Azpost.info bildirir ki, bu barədə Qırğızıstanın Daxili İşlər Nazirliyi məlumat yayıb.
Onlar sabitliyi pozmaq, hakimiyyəti zorla ələ keçirmək istəyiblər.
DİN-nin məlumatında deyilir ki, sui-qəsdçilər hazırlıqlı adamlar olub. Onların arasında təhlükəsizlik xidmətinin sabiq işçiləri, eləcə də döyüş təlimi keçən xarici ölkənin vətəndaşı olub.
“Daxil olan məlumata görə, bu mütəşəkkil dəstə kütləvi iğtişaşlar təşkil etmək və hakimiyyəti zorla ələ keçirmək məqsədi ilə yaradılıb”, – deyə məlumatda bildirilir.
Bununla belə, vəziyyətin sabitliyinin pozulmasının qarşısı alınıb. Keçirilən əməliyyat-istintaq tədbirləri zamanı hücum hazırlayan 6 nəfərlik qrupu saxlanılıb.
Onlar ölkədə kütləvi iğtişaşlar törətmək, zorakılıq yolu ilə hakimiyyəti ələ keçirmək istəyirdilər. Qrupa baş prokurorun keçmiş müavini Adıl ulu Kuban rəhbərlik edib.
