Səfərbərliyə cəlb olunmuş ruslardan neçəsi həlak olub?- RƏQƏMLƏR

Ukraynadakı müharibədə qismən səfərbərliyə cəlb olunmuş ən azı 538 rusiyalı həlak olub.

Azpost.info xəbər verir ki, bu barədə “Mediazona” nəşri ilə birlikdə ölənlərin adları üzrə hesablama aparan BBC məlumat yayıb.

Hesablama zamanı jurnalistlər yalnız açıq mənbələrdən – Rusiya KİV-lərinin və regional hakimiyyət orqanlarının hesabatlarından alınan təsdiqlənmiş məlumatlardan istifadə ediblər. Bu səbəbdən də onlar real rəqəmlərin daha yüksək ola biləcəyi qənaətindədirlər.

Donetsk vilayətinin Makeevka şəhərində kazarmaya çevrilən peşə məktəbinin Yeni il ərəfəsində atəşə tutulması zamanı ölənlərlə bağlı məlumatlar bu rəqəmə daxil deyil. Çünki onların adları hələ məlum deyil. Rusiya Müdafiə Nazirliyi 63 nəfərin öldüyünü etiraf edib və bir çoxu itkin düşmüş hesab olunur.

Hadisə şahidlərinin ifadələrinə istinad edən “Teleqram” kanalları iddia edir ki, Makeevkada ölənlərin sayı bir neçə yüzə çata bilər.

Azpost.info

Əvvəlki məqalə

Qırğızıstanda fonoqram oxumağa qadağa qoyuldu

Sonrakı məqalə

Ötən ay dövlət sərhədini pоzan 73 nəfər saxlanılıb