“Qərbin sanksiyaları təsirli və düzgündür. Onlar Rusiyaya təzyiqi artırmaq üçün mühüm vasitədir. Çünki Moskva üçün xərclər əhəmiyyətlidir. Bu nə qədər uzansa, Rusiyaya bir o qədər çox ziyan dəyəcək”.
Azpost.info xəbər verir ki, bunu Almaniya kansleri Olaf Şolts deyib.
Şoltsun sözlərinə görə, Rusiya prezidenti Vladimir Putin Avropanın bu dərəcədə həmrəy olmasını gözləmirdi: “Almaniyanın Rusiyaya qarşı sanksiya siyasətini dəstəkləyən ölkələr sırasından çıxması mümkün deyil. Avropanın bu müharibəyə qəti və vahid reaksiyası Putini təəccübləndirdi. Bunu gözləmirdi”.
Şolts sanksiyaların Almaniya iqtisadiyyatına da təsir etdiyini etiraf edib. O, böyük həcmdə enerji sərf edən şirkətlər üçün dəstək proqramına start verildiyini açıqlayıb. Kanslerin sözlərinə görə, Almaniya iqtisadiyyatı güclüdür və hökumət imkan daxilində ehtiyacı olanlara kömək etməyə çalışır.
Azpost.info
