Rusiya Xarici İşlər Nazirliyi ABŞ-a qarşı sanksiyalar siyahısını genişləndirib.
Azpost.info xəbər verir ki, siyahıya ABŞ prezidenti Co Baydenin ailə üzvləri, həmçinin senatorlar və anti-Rusiya sanksiyaları ilə bağlı tövsiyələr hazırlayan “Makfol-Yermak” qrupunun üzvləri daxil edilib.
XİN yeni siyahısına ABŞ prezidentinin həyat yoldaşı Cil Bayden və qızı Eşli Baydenlə yanaşı, respublikaçı senatorlar Çarlz Qrassli və Syuzan Kollinz, ABŞ universitetlərinin tədqiqatçıları və iqtisadçıları düşüb. Bu şəxslərə qeyri-müəyyən müddətə Rusiyaya giriş qadağan edilib. ABŞ prezidenti Co Bayden Rusiyanın şəxsi sanksiyalarına martın 15-də məruz qalıb. Eyni zamanda sanksiya siyahısına ABŞ-ın müdafiə naziri Lloyd Ostin, dövlət katibi Entoni Blinken və prezidentin oğlu Hunter Bayden də daxil edilib.
Azpost.info
