Amerika kəşfiyyat orqanları Rusiyanın Aralıq dənizi ölkəsinə – İspaniya, Fransa və ya İtaliyaya – mümkün dron hücumu hazırlaması barədə məlumat toplayaraq bir neçə Avropa hökumətinə ötürüb.
Azpost.info bildirir ki, bu barədə İspaniyanın El Mundo qəzeti anonim mənbələrə istinadən məlumat verib.
Litva Müdafiə Nazirliyinə yaxın bir mənbə bildirib ki, dronlar dənizdən, gəmidəki konteynerdə gizlədilib buraxıla bilər. Qəzetin məlumatına görə, Litva hakimiyyəti də dron növündən – 18 kiloqrama qədər ağırlığında və 600 kilometrə qədər mənzilli Gerberadan xəbərdardır.
El Mundo xəbər verir ki, tək bir ticarət gəmisi bir neçə belə dron daşıya bilər.
Qəzetin məlumatına görə, Litva və digər ölkələr bu məlumatı Mərkəzi Kəşfiyyat İdarəsinin direktoru Con Retkliffin 25 avqustda Moskvaya səfərindən qısa müddət sonra alıblar. Retkliff Riqada dayanacaq edən Amerika hərbi təyyarəsi ilə gəlib. Baltikyanı ölkələrdən birindəki diplomatik mənbələr qəzetə səfərdən əvvəlcədən xəbərdar olduqlarını və daha sonra onun məzmunu ilə tanış olduqlarını bildiriblər.
Xəbərdarlıqla tanış olan mənbələr qəzetə bildiriblər ki, İspaniya, Fransa və İtaliya hökumətləri də Rusiyanın bu ölkələrdən birinə qarşı mümkün dron əməliyyatı hazırladığı barədə məlumat alıblar.
Mərkəzi Kəşfiyyat İdarəsinin hesabatı ilə bağlı hələlik rəsmi şərh verilməyib.
N.Talıblı
