“CAR rəhbərliyi BRİKS sammiti zamanı Rusiya prezidenti Vladimir Putinə Beynəlxalq Cinayət Məhkəməsinin orderi əsasında həbs olunmamaq üçün toxunulmazlıq verməlidir”.
Azpost.info xəbər verir ki, bunu Rusiya xarici işlər nazirinin müavini Sergey Ryabkov bildirib.
O, BCM-nin qərarını qəbuledilməz adlandırıb.
“Biz BRİKS sammitinə ev sahibliyi edən ölkə kimi Cənubi Afrika tərəfinin yüksək vəzifəli şəxslərin bu cür təqiblərə qarşı toxunulmazlığa malik olması anlayışını rəhbər tutacağına ümid edirik”, – Ryabkov deyib.
Qeyd edək ki, CAR hakimiyyəti həbsinə order verilən Putinə BRİKS sammitinə gəlməmək üçün müraciət edib. Rusiya lideri görüşdə videobağlantı vasitəsilə iştirak etməyə dəvət olunub. Cənubi Afrika Respublikasının prezidenti Siril Ramafosa Putinin səfəri zamanı mümkün variantları araşdırmaq üçün komitə yaradıb.
Azpost.info
