Rusiya Fələstin xalqına heç vaxt xəyanət etməyib, onlara daim dəstək verməyə çalışır.
Azpost.info xəbər verir ki, bunu Fələstin prezidenti Mahmud Abbas Rusiya prezidenti Vladimir Putinlə görüşündən sonra TASS-a müsahibəsində deyib.
“Açığını deyim ki, Fələstinin keçmiş prezidenti Yasir Ərəfat 1968-ci ildə Misir prezidenti Camal Abdel Nasserlə birlikdə Moskvaya səfər edib. Mən özüm ilk dəfə 1979-cu ildə Moskvaya səfər etmişəm. Fələstin Azadlıq Təşkilatının nümayəndə heyətinin tərkibində olmuşam, Xalid Əl-Həsən, Salah Halef, Əbu Saleh və mən. Bu səfər 10 gün davam etdi və uzun müddət yaddaşımda qalacaq. O vaxtdan bəri həm SSRİ, həm də Rusiya heç vaxt Fələstin xalqına xəyanət etməyib və həmişə onun tərəfində olub”, – Abbas bildirib.
Azpost.info
