Rusiya hakimiyyəti Hindistana rupi və rublla hesablaşmaları sürətləndirmək üçün maliyyə məlumatlarının ötürülməsi üçün SWIFT analoqundan istifadə etməyi təklif edib.
Azpost.info xəbər verir ki, bu məsələ Hindistanın maliyyə orqanları tərəfindən diqqətlə öyrənilib və onlar Rusiyanın təklifinin məqbul olduğu qənaətinə gəliblər.
Bu barədə məlumatlı mənbələr “Businessline”a bildiriblər.
“SWIFT sistemindən istifadə edə bilməyən Rusiya indi Hindistan və digər BRİKS ölkələri də daxil olmaqla tanınmış ticarət tərəfdaşlarının öz alternativ məlumat ötürmə mexanizminə qoşulmasını istəyir”, – mənbə bildirib.
Bununla belə, mənbənin qeyd etdiyi kimi, Ukraynada müharibə hələ də davam etdiyi üçün Hindistan qlobal əhval-ruhiyyəni nəzərə almalıdır. “Bu, diplomatik baxımdan həssas məsələdir, ona görə də daha çox diqqət tələb olunur”, – mənbə qeyd edib.
“Businessline” yazır ki, Rusiya və Hindistan milli valyutalarda hesablaşma sisteminin yaradılmasında maraqlıdırlar, çünki bu, ticarətin ABŞ dolları kimi sərt valyutalardan asılılığını azaldacaq. Tərəflərin müzakirə etdiyi mexanizmə əsasən, iki mərkəzi bank öz valyutaları arasında məzənnəni dollara bağlamaq əvəzinə birbaşa təyin edəcək.
Azpost.info
