“Hazırda Rusiya ilə İran arasında münasibətlər əvvəlki illərdə formalaşmış bütün istiqamətlər üzrə inkişaf edir”.
Azpost.info xəbər verir ki, bunu Rusiya prezidenti Vladimir Putin Şanxay Əməkdaşlıq Təşkilatının (ŞƏT) Səmərqənddə keçirilən sammiti çərçivəsində İran lideri İbrahim Rəisi ilə görüşü zamanı deyib.
“Rusiya və İran arasında münasibətlərin strateji tərəfdaşlıq səviyyəsinə keçidini göstərən yeni böyük saziş üzərində iş tamamlanmaq üzrədir”, – Putin bildirib.
O, həmçinin İranın ŞƏT-ə üzvlük yolunda Tehran və Moskvanın birgə səylərini qeyd edib: “Razılaşdığımız kimi, İranın Şanxay Əməkdaşlıq Təşkilatına tamhüquqlu üzv olmasını təmin etmək üçün hər şeyi etdik. Bu təşkilatdakı tərəfdaşlarımız sizin müraciətinizi dəstəklədilər, son işlər qalır”.
Azpost.info
