“Rusiya qoşunları Odessaya daxil olduqdan sonra Rusiya ilə Ukrayna arasında müharibə bitəcək”.
Azpost.info bildirir ki, bu barədə ukraynalı politoloq Vadim Karasev “Politeka” YouTube kanalına müsahibəsində bildirib.
Karasev aydınlaşdırıb ki, şəhərin rus ordusu tərəfindən tutulması Ukrayna Silahlı Qüvvələrinin Qara dənizə çıxışını itirməsinə gətirib çıxaracaq. Bu da Rusiyanın tam qələbəsi deməkdir.
O vurğulayıb ki, hazırda belə bir ssenarinin gerçəkləşəcəyinə əminlik yoxdur, lakin Ukrayna hakimiyyəti onlar üçün ən pis nəticəni indidən düşünməlidir.
Politoloq onu da əlavə edib ki, Qərb ölkələri Ukrayna ordusunun uğursuzluqlarından Rusiyanın diqqətini yayındırmaq üçün Dnestryanıda qaynar nöqtə yaratmağa cəhd edə bilər.
Rusiya prezidenti Vladimir Putin Odessanı rus və bir az da yəhudi şəhəri hesab etdiyini bildirib.
