Rusiya Paşinyanın seçkilərdə uduzmasını istəyir.
Azpost.info-nun məlumatına görə, bunu ABŞ dövlət katibi Marko Rubio bu gün Konqresdəki dinləmələr zamanı bildirib.
Bir neçə gün əvvəl TRIPP və mineral sazişlərini imzalamaq üçün bir saatlıq İrəvana səfər edən Rubio bildirib ki, səbəb onların Ermənistandakı fəal iştirakıdır. Onun sözlərinə görə, ruslar bundan o qədər də məmnun deyillər.
“Ruslar, yumşaq desək, Ermənistandakı mövcudluğumuzdan məmnun deyillər. Düşünürəm ki, ABŞ ilə daha yaxın münasibətlərə görə hazırkı liderin (Baş nazir Nikol Paşinyanı nəzərdə tuturam) bu seçkilərdə uduzmasını istəyəcəkləri aydındır.”
Rubio vurğulayıb ki, onlar Ermənistana bu və ya digər ölkə ilə “əlaqələri kəs” demirlər; onlar sadəcə burada olmaq və Azərbaycanla sülhün təşviqi də daxil olmaqla, maraq dairələrində əməkdaşlıq etmək istəyirlər.
