Vladimir Putin Rusiyaya qarşı Qərbin uzaqmənzilli silahlarından istifadə edildiyini açıqlayıb.
Bu barədə Putin xalqa müraciətində bildirib.
Onun sözlərinə görə, Rusiya Federasiyasının Bryansk və Kursk vilayətlərindəki hərbi obyektləri Qərb raketləri ilə hücuma məruz qalıb.
Putin qeyd edib ki, Qərb raketlərinin Rusiya Federasiyasına hücumundan sonra Ukraynada münaqişə qlobal xarakter alıb.
O, Rusiya Silahlı Qüvvələrinin ABŞ və Britaniya silahlarının Rusiyaya hücumlarına cavab olaraq Ukraynanın müdafiə sənayesi obyektlərinə zərbələr endirdiyini söyləyib.
Putin vurğulayıb ki, Ukraynanın “Yujmaş” zavodu nüvəsiz hipersəs ballistik raketləri ilə vurulub.
