“Ermənistanla Azərbaycan arasında sülh sazişinin Rusiya variantında Qarabağla bağlı müzakirələrdən imtina edilməməsi müsbət məqamdır”.
Azpost.info xəbər verir ki, bunu “Sputnik Armenia”ya Ermənistanın keçmiş baş naziri Vazgen Manukyan deyib.
“Bu bəyanat o deməkdir ki, sülh sazişinin Rusiya variantında Moskva Qarabağla bağlı müzakirələrdən imtina etmək niyyətində deyil. Mən şəxsən bunu müsbət hesab edirəm”, – Manukyan bildirib.
Manukyanın şərhi Rusiya prezidenti Vladimir Putinin “Valday” klubunun iclasındakı çıxışına cavabdır. Rusiya lideri Ermənistan və Azərbaycan arasında sülh müqaviləsinin Vaşinqton variantının Qarabağ üzərində Bakının suverenliyini nəzərdə tutduğunu vurğulayıb.
Ermənistanın keçmiş baş naziri etiraf edib ki, Rusiya regiondan çıxacağı təqdirdə Qərb dövlətləri Ermənistanı Azərbaycan və Türkiyədən qorumayacaq. “Rusiya onların imperiya yaratmaq planlarına müdaxilə edəcək. Təbii ki, onlar arasında toqquşma qaçılmazdır. Belə bir şəraitdə Qərb Türkiyəni dəstəkləyəcək, bu da Ermənistanın türklərin hakimiyyəti altında qalması deməkdir”, – Manukyan qeyd edib.
Azpost.info
