ABŞ-ın “Tomahawk” raketləri Ukraynadan Rusiya şəhərlərini vurmağa qadirdir.
Azpost.info xəbər verir ki, bunu rusiyalı hərbi analitik Aleksandr Mixaylov bildirib.
Onun sözlərinə görə, raket Ukrayna Silahlı Qüvvələri tərəfindən istifadə ediləcəyi təqdirdə asanlıqla Rusiyaya çatacaq.
“Onlarda 100 km-dən çox vura bilən “Toçka-U” var. Bu, o qədər də böyük məsafə deyil. Lakin “Tomahawk” raketləri var ki, Yekaterinburqa da olmasa, Ukrayna sərhədindən Nijni Novqoroda uça bilərlər”, – Mixaylov bildirib.
Eyni zamanda ekspert hesab edir ki, Rusiyaya hücum olarsa, Qərb dərhal cavab alacaq. Mixaylovun sözlərinə görə, ilk “Tomahawk” Ukrayna ərazisindən havaya qalxan kimi NATO-nun hibrid münaqişəsi real münaqişəyə çevriləcək: “Bu, “qırmızı xətt” olacaq. Ondan sonra, ehtimal ki, Şimali Atlantika Alyansının ərazisinə – Şərqi Avropaya strateji silahlarla zərbələr endiriləcək”.
Eyni zamanda, hərbi analitik hesab edir ki, Vaşinqton “Tomahawk”ları işə salmağa cəsarət etməyəcək. Çünki onların ardınca Rusiya tərəfi termonüvə silahının tətbiqi ilə bağlı tədbirlər görəcək.
Azpost.info
