“İran Rusiya, Suriya və Türkiyə arasında dialoqa qoşulmaq istəyir”.
Azpost.info xəbər verir ki, bu barədə Rusiya xarici işlər nazirinin müavini Mixail Boqdanov bildirib.
Onun sözlərinə görə, xarici işlər nazirlərinin dördtərəfli görüşünün təşkili imkanları nəzərdən keçirilir.
“İran da danışıqlar prosesinə qoşulmaq arzusunu ifadə edib. Tehranı Dəməşqlə, Ankara ilə birləşdirən münasibətlərin xarakterini, eləcə də İranın regional rolunu nəzərə alaraq, biz onun Suriya nizamlanmasında iştirakını dəstəkləyirik” – Boqdanov deyib.
O əlavə edib ki, bu məsələnin “açarı” iki maraqlı tərəfin – Türkiyə və Suriyanın razılığıdır.
Boqdanov vurğulayıb ki, dialoqun bütün iştirakçılarının ümumi məqsədi var – Suriya ətrafında vəziyyətin nizamlanması və bütövlükdə Yaxın Şərq regionunda vəziyyətin sabitləşdirilməsi: “Təhlükəsizlik rəsmiləri və diplomatlar arasında təmaslar Suriya və Türkiyə arasında potensial razılaşmaların əldə ediləcəyi danışıqlara şərait hazırlamaq üçün nəzərdə tutulub”.
Azpost.info
