Rusiya prezidentinin mətbuat katibi Dmitri Peskov jurnalistlərin Rusiyanın İrandan pilotsuz təyyarələr alması ilə bağlı sualına cavab verməyib.
Azpost.info xəbər verir ki, Peskov Kremldə belə bir məlumatın olmadığını bildirib.
“Xeyr, bizdə belə bir məlumat yoxdur. Rusiya texnikasından istifadə olunur, bunu bilirsiniz. Bütün digər suallar Müdafiə Nazirliyinə ünvanlana bilər”, – Peskov deyib.
Avropa İttifaqının (Aİ) xarici siyasət və təhlükəsizlik məsələləri üzrə Ali Nümayəndəsi Jozep Borrel dünən bildirib ki, Brüssel İranın Ukraynadakı döyüş əməliyyatlarında iştirakına dair konkret sübutlar axtarır.
“The Washington Post”nun yazdığına görə, İran Rusiyaya pilotsuz təyyarələr göndərib. İranın xarici işlər naziri Hüseyn Əmir Abdullahian məlumatı təsdiqləməyib. O deyib ki, Tehran münaqişənin heç bir tərəfini dəstəkləmir, eyni zamanda, həm Moskvaya, həm də Kiyevə silah tədarükünə qarşıdır.
Azpost.info
