Türkiyə hökuməti Odessa sahil zolağının təmizlənməsi və taxıl gəmilərinin müşayiəti üçün hərbi yardım təklif edib.
Azpost.info xəbər verir ki, Rusiyanın xarici işlər naziri Sergey Lavrovun iyunun 8-də Ankarada bu təklifi müzakirə edəcəyi gözlənilir.
“Bloomberg” yazır ki, Ukrayna kənd təsərrüfatı məhsullarının Qara dəniz limanından tədarükünün bərpasına dair Türkiyə ilə Rusiya arasında ilkin razılaşma əldə olunub.
Lakin Ukrayna bu razılaşmaya şübhə ilə yanaşır. Bu səbəbdən Kiyev planı hələ də təsdiqləməyib: “Ukrayna sahil zolağının təmizlənəcəyi təqdirdə həyati əhəmiyyətli limanın rusların hücumuna məruz qala biləcəyindən ehtiyat edir. Türkiyə isə ümid edir ki, bu təklifin BMT tərəfindən təsdiqlənməsi təhlükəsizliklə bağlı narahatlıqların aradan qaldırılmasına kömək edəcək”.
Ukrayna iqtisadiyyat nazirinin müavini Taras Kaçka deyib ki, Rusiya tədarükün kəsilməsinə görə məsuliyyəti Kiyevin üzərinə atmağa çalışır: “Amma fakt odur ki, ərzaq böhranı süni şəkildə Rusiya tərəfindən yaradılıb”.
Azpost.info
