Rusiya Ukraynanın cənubunda və Xersonda keçirmək istədiyi “referendum”u təxirə salıb.
Azpost.info bildirir ki, bu barədə Rusiyanın Xersona təyin etdiyi rəhbərin müavini Kirill Stremusov Rusiya dövlət telekanalında çıxışı zamanı bildirib: “Rusiyaya birləşmə ilə bağlı referendum təhlükəsizlik səbəbindən dayandırılıb”.
Onun sözlərinə görə, Ukraynanın güclü atəş zərbələri nəticəsində Xerson körpüsü keçilməz olub: “Ukrayna artilleriyası Xersonda Antonov körpüsünü ciddi şəkildə zədələdiyindən avtomobillərin onu keçməsi artıq mümkün deyil”. Onun sözlərinə görə, Dneprdən keçən barjlar, şəhər infrastrukturu atəş altına düşüb.
Rusiya bu körüpdən ordu hissələrinin və texnikanın daşınması üçün istifadə edirdi.
Ukrayna bəyan edib ki, ordu Xersondan 167 km uzaqlıqda yerləşən Vısokoplye şəhərini azad edib.
