Rusiya Yaponiya ilə sülh danışıqlarından imtina edib.
Azpost.info Rusiya XİN-in rəsmi saytına istinadən bildirir ki, bununla bağlı nazirliyin yaydığı bəyanatda bildirilir.
“Rusiya hazırkı vəziyyətdə Yaponiya ilə sülh müqaviləsi üzrə danışıqları apara bilməz”-deyə XİN Tokionun Moskvaya qarşı tətbiq etdiyi sanksiyalara münasibət bildirən sənəddə deyilir.
Həmçinin Yaponiya vətəndaşlarının Kuril adalarına vizasız gedi-gəlişi barədə 1991 və 1999-cu illərdə imzalanmış qərar ləğv edilib.
Rusiya cənubi Kuril də birgə təsərrüfat fəaliyyətinin qurulmasına dair Yaponiya ilə dialoqdan da çıxdığını bəyan edib.
Moskva həmçinin Yaponiyanın Qara dəniz İqtisadi Təşkilatının sektorial dialoq üzrə tərəfdaş ölkə statusunu da bloklayıb. “Bütün bunlarla bağlı məsuliyyət şüurulu şəkildə anti-Rusiya kursu götürmüş rəsmi Tokionun üzərinə düşür”-deyə bəyanatda vurğulanır.
Qeyd edək ki, Yaponiyanın Baş naziri Moskvaya qarşı sanksiyaların gücləndirilməsi barədə bəyanat verib.
