Krasnodar Şəhər Dumasının deputatları həmkarları Aleksey Berdnikovu mandatdan məhrum ediblər.
Azpost.info xəbər verir ki, buna Berdnikovun həyat yoldaşının Estoniyada bank hesabının olması səbəb olub.
Dumanın iclasından əvvəl “Vahid Rusiya” rəhbərliyi də siyasətçinin partiyadan xaric edildiyini açıqlayıb.
Deputat özü həyat yoldaşının Estoniyada doğulduğunu və hesabın ipoteka üçün istifadə olunduğunu bildirib. Buna baxmayaraq, 33 deputatdan 32-si Berdnikovun mandatının ləğvinin lehinə səs verib, Dumanın daha bir üzvü isə bitərəf qalıb.
O, həmkarlarına “əvəzsiz təcrübə” üçün təşəkkür edib və Krasnodar diyarının sakinlərindən üzr istəyib.
Azpost.info
